Аса стала прычынай аварыі пад Жлобінам / gomel.mvd.gov.by
У Жлобінскім раёне фургон перакуліўся, бо ў кабіну кіроўцы заляцела аса.
Аварыя адбылася 7 кастрычніка на трасе М5 Мінск — Гомель, паведамляе прэс-служба МУС. Паводле папярэдняй інфармацыі, у кабіну фургона ГАЗ заляцела аса.
60-гадовы кіроўца згубіў увагу праз наякомае. У выніку аўтамабіль з'ехаў на ўзбочыну, урэзаўся ў тросавую агароджу і перакуліўся.
Кіроўца і 50-гадовы пасажыр атрымалі траўмы, іх даставілі ў лякарню.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут