26 красавіка Аляксандр Лукашэнка аблятае на верталёце Нараўлянскі раён Гомельскай вобласці — пглядзіць, як ідзе пасяўная. Падчас наведвання саўгас-камбінату "Зара" кіраўнік краіны запытаўся ў старшыні рэгіёна пра поспехі ў сацыяльна-эканамічнай сферы і даў "антыкрызісныя" парады, перадае БЕЛТА.
"Калі вы выйдзеце хаця б у нуль? Ты нават не думай, што мы павінны ў сілу нейкіх псіхозаў ці пандэмій, эпідэмій скараціць вытворчасць. Гэта выключана. Іншага не дадзена. Калі вы будзеце сядзець: "Вось пандэмія, дайце нам грошай"... Ніхто не дасць — гэта пахаваць грошы. Вы прапрацоўвайце рынкі па ўсіх напрамках — пачынаючы ад фарфоравага завода і заканчваючы "Гомсельмашам".
Лукашэнка мяркуе, што рэгіёны мусяць заключаць дамовы з сусядзямі наконт экспартных паставак, каб з адкрыццём межаў узнавіць працу.
Таксама кіраўнік Беларусі заявіў, што цяпер самы час развіваць "чарнобыльскія землі", перадае канал у тэлеграме "Пул Першага":
"Прыйшоў час вельмі актыўна асвойваць гэты край. Я ўжо прапанаваў, Брагін, Нароўля, Хойнікі — падумаць аб стварэнні шматпрофільных аб'яднанняў, холдынгаў".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
To see this content visit the full version of this page.