Ва Украіне працягваецца падлік галасоў па выніках датэрміновых парламенцкіх выбараў. Палітолагі прагназуюць, што па выніках падліку партыя прэзідэнта Уладзіміра Зяленскага "Слуга народу" можа скласці аднапартыйны ўрад — яна ўжо набірае больш за 40%.
На замежных выбарчых участках большасць выбарцаў аддалі свае галасы за партыю экс-кіраўніка краіны Пятра Парашэнкі "Еўрапейская салідарнасць".
Аднак у Беларусі, як сведчыць ЦВК Украіны, большасць выбарцаў (39,7%) прагаласавалі за "Слугу народа". "Еўрапейская салідарнасць" мае 17,2% і займае другое месца. Тройку лідараў замыкае "Партыя Шарыя" — у яе 10,84%.