Міністэрства замежных спраў Беларусі звярнулася да грамадзян, чые сваякі знаходзяцца ў Брусэлі і не выходзяць на сувязь. Ім прапанавалі тэлефанаваць у беларускую амбасаду па нумарах +3223400296, +3223400270. Абвестка была размешчаная ў твітары дыпламатычнага ведамства.
Акрамя таго, МЗС рэкамендуе нашым суайчыннікам у Брусэлі пазбягаць грамадскіх месцаў і выкарыстання грамадскага транспарту.
Як паведамлялася раней, зранку 22 сакавіка ў сталіцы Бельгіі адбыліся некалькі выбухаў. Ёсць некалькі загінулых і каля паўсотні параненых.