Мінская ДАІ з 15 лістапада будзе эвакуяваць аўтамабілі, якія перашкаджаюць камунальнікам прыбіраць вуліцы, паведамляе "Белсат".
Калі даішнікі пабачаць машыну, прыпаркаваную на праезнай частцы або з парушэннем правілаў дарожнага руху, яе адвязуць на штраф-стаянку. Міліцыянты спасылаюцца на неабходнасць прыбіраць вуліцы ў сувязі са зменай надвор'я.
У ДАІ падкрэсліваюць, што эвакуацыя будзе ладзіцца ў адпаведнасці з заканадаўствам.