Афіша фестывалю
Мюнхенскі фестываль беларускай культуры “Minsk x Minga” пераймае эстафету ў опэн-эйру “Тутака” і працягвае беларускую культурніцкую экспансію — з 11 да 13 кастрычніка ўсіх наведнікаў фэсту чакае багатая праграма. І тут не толькі сустрэча з музыкай ды літаратурай. Усё значна шырэйшае і разнастайнейшае. Нават больш разнастайнае, чым падчас леташняга фэсту!
Чым адметны сёлетні фэст у Мюнхене і што з запланаванага стала сюрпрызам для саміх арганізатараў? Ці лёгка было скласці праграму і ці ўлічваліся густы мясцовых жыхароў? Ці ёсць цікавасць да беларускага фэсту з боку ўладаў Мюнхена і чаму беларусы абавязкова мусяць наведаць імпрэзу? На гэтыя ды іншыя пытанні ў эфіры Еўрарадыё адказваюць суарганізатарка фестывалю "Minsk x Minga" Іна Валіцкая і каардынатарка фестывалю Хрысціна Дарапей.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут