Мінстэрства абароны папярэдзіла, што на дарогах чатырох вобласцяў Беларусі будуць з’яўляцца калоны ваеннай тэхнікі.
Паводле інфармацыі, змешчанай на сайце ведамства, “у рамках правядзення мерапрыемстваў комплекснай праверкі баявой і мабілізацыйнай гатовасці Узброеных Сілаў з 17 па 19 лютага 2019 г. будзе ажыццяўляцца перамяшчэнне ваеннай тэхнікі па аўтадарогах рэспубліканскага значэння ў Віцебскай, Мінскай, Брэсцкай і Магілёўскай вобласцях”.
Жыхароў населеных пунктаў і кіроўцаў транспартных сродкаў просяць улічваць гэтыя акалічнасці і быць гранічна ўважлівымі пры перамяшчэнні ваеннай тэхнікі.