У чацвер прайшлі першыя матчы ¼ фіналу футбольнай Лігі Еўропы. “Манчэстар Юнайтэд” у гасцявым паядынку з “Андэрлехтам” упусціў перамогу — 1:1. Генрых Мхітаран адкрыў лік на 37-й хвіліне, але Леандэр Дэндонкер яго зраўняў на 86-й.
Вынікі іншых матчаў: “Аякс” — “Шальке-04” — 2:0, “Сельта” — “Генк” — 3:2, “Ліён” — “Бешыкташ” — 2:1. Апошняя гульня пачалася са спазненнем з-за беспарадкаў, якія наладзілі на стадыёне фанаты турэцкага клуба. Паядынкі ў адказ прызначаныя на 20 красавіка.