27 верасня Аляксандр Лукашэнка адправіўся з працоўным візітам у Рэспубліку Таджыкістан. Там ён прыме ўдзел у пасяджэнні Савета кіраўнікоў дзяржаў — удзельніц Садружнасці Незалежных Дзяржаў, паведамляе прэс-служба кіраўніка дзяржавы.
На саміце будуць пасяджэнні кіраўнікоў дзяржаў у вузкім і пашыраным фарматах.
У Лукашэнкі запланаваны шэраг сустрэчаў і перамоваў з замежнымі лідарамі (у тым ліку і з Уладзімірам Пуціным) на палях саміту ў Душанбэ. Па-за рамкамі саміту пройдуць беларуска-таджыкскія мерапрыемствы.