Аляксандр Лукашэнка 3 сакавіка наведае з працоўным візітам Расійскую Федэрацыю, паведамляе яго прэс-служба.
У Санкт-Пецярбургу ў яго запланаваная сустрэча з Уладзімірам Пуціным.
Паведамляецца, што кіраўнікі абедзвюх дзяржаваў абмяркуюць развіццё двухбаковых беларуска-расійскіх адносін. Асаблівы акцэнт будзе зроблены на гандлёва-эканамічнае супрацоўніцтва, а таксама ўзаемадзеянне ў інтэграцыйных фарматах.
Як перадавала Еўрарадыё, амбасадар Расіі ў Беларусі Аляксандр Сурыкаў анансаваў, што абмяркоўвацца будзе нафтагазавая спрэчка паміж Беларуссю і Расіяй. Яна цягнецца ад пачатку 2016 года.