Аляксандр Лукашэнка не верыць, што Крым зноў стане украінскім. Пра гэта беларускі кіраўнік сказаў 26 верасня на сустрэчы ў Мінску з украінскімі журналістамі. У яго запыталіся, ці верне Расія Украіне Крым.
"Мне здаецца, не, — цытуе словы Лукашэнкі БЕЛТА. — Гэтае пытанне закрытае раз і назаўжды".
"Я не ўяўляю, якімі павінны быць абставіны, каб Расія адмовілася ад Крыма сама, — цытуе словы Лукашэнкі sb.by. — Але ваяваць за Крым вы з імі не будзеце. Гэта нерэальна".
Як вядома, Расія ўзяла пад кантроль украінскі Крым у пачатку 2014-га пасля рэвалюцыі ў Кіеве. Украінскія падраздзяленні не супраціўляліся дзеянням расійскага спецназу, які браў пад кантроль стратэгічныя аб'екты. З-за пытання Крыму Захадам на Расію былі накладзеныя санкцыі.
Падчас сустрэчы з украінскімі журналістамі Аляксандр Лукашэнка агучыў сваё меркаванне па ўрэгуляванні сітуацыі на Данбасе і па яго вяртанні ва Украіну.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.