Латвійская артыстка Aisha (Ая Андрэева), удзельніца "Еўрабачання-2010" ад Латвіі, сёння ў Юрмале разам з Uzari будзе спяваць па-беларуску. Адбудзецца гэта ў рамках Міжнароднага музычнага фэсту "Laima Rendezvous" на сцэне канцэртнай залы Dzintari. Aisha і Uzari праспяваюць песню "Новае кіно". Спявачка адмыслова для гэтага выступу вывучала беларускамоўны тэкст. "Мне вельмі падабаецца беларуская мова", — прызналася яна.