Аўтамабілі для Украіны / delfi.lv
Латвія ў 2023 годзе перадала Украіне 271 аўтамабіль, канфіскаваны ў п'яных кіроўцаў. Іх агульны кошт складае 903 тысячы еўра. Рыхтуюцца дакументы на перадачу яшчэ 34 машын, якія каштуюць агулам амаль 162 тысячы еўра, паведамляе Delfi.
У лютым латвійскі Сейм аднагалосна прыняў змены ў закон аб падтрымцы грамадзянскага насельніцтва Украіны. Яны і дазваляюць бязвыплатна перадаваць ва ўласнасць украінскага ўрада ("у якасці падтрымкі ўкраінскага грамадства") транспартныя сродкі, канфіскаваныя дзяржавай.
Вясной 2023-га Латвія вырашыла аддаць Украіне ўсе свае пераносныя зенітна-ракетныя комплексы Stinger.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут