На месцы дыверсіі / t.me/sskarnaukhov/
Лакаматывам, які падарвалі на Браншчыне, кіравала беларуская брыгада. Дэпо прыпіскі знаходзіцца ў Гомелі, піша @belzhd_live. Пазней гэта пацвердзіў Мінтранс РБ. Беларускі цягнік з 78 вагонаў быў адпраўлены з Гомеля ў Бранск.
Афіцыйна сцвярджаецца, што пацярпелых няма. Але "Супольнасць чыгуначнікаў Беларусі" не выключае адваротнай сітуацыі і спасылаецца на фота, відэа з месца здарэння: "Узнікаюць асцярогі за стан беларускай лакаматыўнай брыгады". Справа ў тым, што цеплавоз атрымаў у выніку выбуху такія пашкоджанні, пры якіх маглі пацярпець людзі, у якім яны знаходзіліся.
Дыверсія на чыгунцы ў Бранскай вобласці РФ адбылася 1 траўня. Быў падарваны грузавы цягнік, які вёз нафтапрадукты і піламатэрыялы. З рэек сышлі лакаматыў і 8 вагонаў (іншыя адагналі на бяспечную адлегласць), узнік пажар. Рух цягнікоў на гэтым участку чыгункі прыпынены і яго абяцаюць аднавіць толькі раніцай. Такім чынам, чыгуначны рух паміж беларускім Гомелем і расійскімі гарадамі перарваны.
To see this content visit the full version of this page.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут