Аляксандр Кітараў падпісаў кантракт з мінскім "Дынама", інфармуе клубная прэс-служба. Ён разлічаны на адзін год. Для 32-гадовага форварда будучы сезон стане дзявятым у КХЛ.
Кітараў правёў у КХЛ (у складзе мінскага "Дынама" і "Нафтахіміка") 391 матч, у якіх набраў 76 (30+46) ачкоў. Ён з'яўляецца гульцом нацыянальнай зборнай Беларусі, на турніры ў Нур-Султане, калі беларусы заваявалі пуцёўку ў эліту, быў капітанам каманды.