У некалькіх дзіцячых садках Гомеля выяўленыя захворванні на каранавірус, піша сайт "Моцныя навіны."
Спярша стала вядома пра COVID-19, выяўлены ў садку №125 у Савецкім раёне Гомеля. Як адзначаюць журналісты, адміністрацыя садка пацвярджае факт заражэння, але ўстанова працягвае працаваць — да "распараджэння ад вышэйшага кіраўніцтва".
Бацькі дзяцей, якія ходзяць у садок №91 таксама паведамляюць, што адзін з работнікаў заразіўся каранавірусам. У садку ўведзены масачны рэжым, але каранцін не абвешчаны. Адміністрацыя ўстановы вывесіла адпаведныя абвесткі.
Ёсць звесткі, што каранавірус выяўлены і ў дзіцячым садку №104: там нібыта захварэў музычны работнік. Праца садка працягваецца.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.