Ізраіль працягвае ліквідацыю камандзіраў "Хезбалы" / Reuters
Ізраіль ліквідаваў у Ліване яшчэ аднаго камандзіра "Хезбалы". Мухамад Хусейн Сурур камандаваў падраздзяленнем беспілотнай авіяцыі. Спачатку пра ліквідацыю паведаміла Армія абароны Ізраіля, а пасля прызнала "Хезбала".
Сурур быў дасведчаным камандзірам, а ў "Хезбалу" прыйшоў яшчэ ў 1980-я. У апошнія гады займаўся развіццём беспілотнай авіяцыі, адказваў за вытворчасць дронаў. Ён загінуў у сталіцы Лівана Бейруце ў выніку кропкавага ракетнага ўдару па кватэры, у якой знаходзіўся.
Днямі ў Бейруце такім жа ўдарам быў ліквідаваны кіраўнік ракетных сіл "Хезбалы".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут