Генпракуратура абавязала прыпыніць “добраўпарадкаванне” Вайсковых могілак

Чытаць болей: Могілкавыя гісторыі. Як з Вайсковых могілак знікаюць магілы, а Мінкульт маўчыць

Мэта гэтых актаў — забяспечыць выкананне санітарна-эпідэміялагічных патрабаванняў, правесці добраўпарадкаванне і аднаўленне элементаў гісторыка-культурнай спадчыны ў адпаведнасці з патрабаваннямі заканадаўства, арганізаваць работы па рэканструкцыі і рэстаўрацыі месцаў пахаванняў з захаваннем гістарычнага, культурнага і духоўнага аблічча.

Чытаць болей: "Гэтым хіба што кароў агароджваць”. Як акультурваюць Вайсковыя могілкі ў Мінску

Спецкамбінат КБА ў чэрвені 2018-га пачаў "добраўпарадкаванне" тэрыторыі Вайсковых могілак. Рабочыя актыўна прыбіраюць з іх аўтэнтычныя агароджы, пілуюць старыя і сухія дрэвы, зносяць старыя крыжы і надмагіллі. Замест іх ставяць аднолькавыя невялічкія пліты — так званыя "надгалоўнікі" (спасылка). Частка магіл увогуле знікае ці аказваецца ў зусім іншым месцы (спасылкі).

Вайсковыя могілкі на вуліцы Казлова ў Мінску — адны з самых старых у сталіцы. Могілкі маюць статус гісторыка-культурнай каштоўнасці. Першыя згадкі пра іх прыпадаюць на 1840 год, асвячэнне могілак адбылося ў 1895 годзе. На гэтых могілках пахаваныя літаратары Якуб Колас, Янка Купала і Кузьма Чорны, гісторык Усевалад Ігнатоўскі і аўтар дзяржаўнага гімна Міхась Клімковіч.

Сваякі людзей, пахаваных на Вайсковых могілак, а таксама гісторыкі і экскурсаводы пратэстуюць супраць "стандартызацыі" пахаванняў. Яны лічаць, што гэтая мера пашкодзіць гістарычнаму ландшафту сталіцы.