У суботу, 10 кастрычніка, у цэнтры Мінска прайшла несанкцыянаваная вулічная акцыя — "Шэсце нацыянальнага сцяга". Яе арганізавалі такія апазіцыйныя палітыкі, як Мікалай Статкевіч, Уладзімір Някляеў, Анатоль Лябедзька. Пасля кароткага мітынга на плошчы Свабоды, каля 800-1000 чалавек прайшлі шэсцем пад бел-чырвона-белымі сцягамі па тратуарах да плошчы Якуба Коласа. Там таксама адбыўся кароткі мітынг. Прамоўцы пераважна гаварылі пра фальсіфікацыі на прэзідэнцкіх выбарах, пра неабходнасць змагацца за незалежнасць, за "пашырэнне прасторы свабоды". Міліцыя правядзенню акцыі не перашкаджала.
Онлайн з акцыі гл. тут.