Еўра / ілюстрацыйнае фота pixabay.com
Еўра сёння падаражэў падчас таргоў на Беларускай валютна-фондавай біржы. Еўрапейская валюта дадала 0,03%. У выніку курс дасягнуў псіхалагічнай адзнакі ў 3,4 рубля за еўра.
Трохі падаражэлі і даляр (плюс 0,01%, курс па выніках таргоў — 3,019), і расійскі рубель (плюс 0,03%, курс па выніках таргоў — 3,3339 за 100 расійскіх рублёў). Юань патаннеў на 0,43%, або на 1,79 капейкі. 10 юаняў ацанілі ў 4,1817 рубля.
Адзначым, што ў абменных пунктах банкаў еўра пакуль і купляюць, і прадаюць па курсе ніжэй за 3,4 рубля. Нацбанк на 24 ліпеня ўстанавіў курс еўра на ўзроўні 3,3593 рубля за адну адзінку еўрапейскай валюты.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут