Цяпер у ім 3086 прозвішчаў.
Беларускія ўлады дадалі ў “спіс экстрэмістаў” 18 новых прозвішчаў, цяпер у ім 3086 чалавек.
МУС звычайна абнаўляе спіс па пятніцах. Сёння, 28 ліпеня, сярод “экстрэмістаў” у Беларусі з’явіліся спявачка Аляксандра Захарык, дзіцячы паэт і выкладчык Дзмітрый Юртаеў, затрыманы за данаты жыхар Пастаў Дзмітрый Селядцоў.
У свой спіс МУС уключае і тых, хто цяпер у месцах няволі адбывае тэрмін, і тых, ужо выйшаў на волю, і тых, у каго ўжо нават пагашаная судзімасць. “Вясна” нагадвае, што рабіць, калі вы таксама патрапілі ў спіс.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут