Пашпарт, ілюстрацыйнае фота / БЕЛТА
Рэжым Лукашэнкі анулюе пашпарты палітвязняў, якіх пасля вызвалення дэпартавалі з Беларусі.
Як расказаў Еўрарадыё адзін з былых палітзняволеных, калі ён зайшоў на сайт МУС, каб праверыць свой статус, — убачыў, што яго пашпарт больш не валідны.
З такой праблемай сутыкнуліся і іншыя былыя вязні. Пакуль што яна не датычыць тых, каго вызвалілі ўжо сёлета.
"Тыя, з кім камунікую з нашай групы, таксама праверылі. Аказалася, ва ўсіх пашпарты несапраўдныя. Я думаю, такая сітуацыя абсалютна ва ўсіх, хто выехаў з дакументамі, а гэта каля 20–25 чалавек", — цытуе праваабарончы цэнтр "Вясна" словы палітвязня, вызваленага ў верасні 2025 года.
Наступствы гэтага рашэння для людзей да канца не зразумелыя. Імаверна, праблемай для вызваленых палітвязняў стане пашпартны кантроль па-за межамі Еўрасаюза. Але непрыемнасці могуць чакаць і бліжэй, і прадказаць іх даволі складана.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут