Габрыэлюс Ландсбергіс і Святлана Ціханоўская / прэс-служба Ціханоўскай
23 студзеня ў МЗС Літвы адбылася сустрэча Святланы Ціханоўскай з кіраўніком ведамства Габрыэлюсам Ландсбергісам.
Як паведамляе прэс-служба лідаркі беларускіх дэмсілаў, на сустрэчы абмяркоўвалася сітуацыя з легалізацыяй беларусаў у Літве. Ішла гаворка таксама пра магчымыя новыя абмежаванні, якія будуць абмяркоўвацца ў Сейме Літвы вясной.
Ціханоўская падзякавала Літве за рашэнне падоўжыць тэрмін дзеяння гуманітарных дазволаў на жыхарства для беларусаў з аднаго да трох гадоў.
Разам з тым яна заклікала Літву не ўраўноўваць абмежаванні супраць беларусаў і расіянаў, бо гэта толькі грае на руку рэжыму Лукашэнкі. Таксама Ціханоўская выказала спадзяванне, што Літва працягне выдаваць беларусам візы і віды на жыхарства.
Яна перадала прапановы ад Офіса, Аб'яднанага пераходнага кабінета і НАУ па пытаннях прыцягнення рэжыму Лукашэнкі да адказнасці і санкцыях супраць яго памагатых.
Як распавядала Еўрарадыё, Польшча і краіны Балтыі прапануюць зраўнаваць сектаральныя санкцыі для Беларусі і Расіі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут