10 красавіка Аляксандр Лукашэнка сустракаўся з журналістамі дзяржаўных СМІ. Падчас гэтай сустрэчы кіраўнік Беларусі заявіў, што, магчыма, падзеліцца часткай функцый прэзідэнта з іншымі галінамі ўлады, але не ўдакладніў, якімі менавіта і з кім канкрэтна. Казаў Лукашэнка і пра змены ў Канстытуцыі, і пра беларускія СМІ.
З кім і якімі функцыямі хоча падзяліцца Лукашэнка і ці зробіць ён гэта на самой справе? Ці будзе рэферэндум па змене Канстытуцыі і калі? У чым павінна выяўляцца сумленнасць беларускіх дзяржСМІ?
На гэтыя ды іншыя пытанні ў жывым эфіры Еўрарадыё выказалі свае думкі доктар палітычных навук, дырэктар Інстытута палітычных даследаванняў “Палітычная сфера” Андрэй Казакевіч і медыяэксперт Паўлюк Быкоўскі.