Ці лёгка падлетку ўладкавацца на працу? Як гэта зрабіць, калі няма 18 гадоў

Чытаць болей: Как выборы в Германии отразятся на европейской безопасности?

Важна, што для няпоўнагадовых нельга ўсталёўваць выпрабавальны тэрмін і прымаць працу па сумяшчальніцтве.

Дзе шукаць працу?

Працу можна шукаць у інтэрнэце на спецыяльных сайтах, а яшчэ можна звяртацца ў упраўленні па працы, занятасці і сацыяльнай абароне ў сваім населеным пункце.

Пералік арганізацый, гатовых прыняць на працу моладзь, штомесяц абнаўляецца і публікуецца на партале службы занятасці, піша служба "Адно акно".

Акрамя гэтага, як пішуць дзяржСМІ, для моладзі ладзяцца кірмашы вакансій, у тым ліку электронныя і выязныя. Часцей за ўсё яны праходзяць на базе ўстановаў прафесійнай або вышэйшай адукацыі з удзелам саміх наймальнікаў.

Якія патрэбныя дакументы?

Як і дарослым, для ўладкавання на працу падлеткам трэба сабраць важкі пакет дакументаў. Але калі ўладкоўвацца на працу ўпершыню, то не патрэбная картка сацыяльнага страхавання і працоўная кніжка (бо іх папросту яшчэ няма).

Чытаць болей: “Мы тебе говорили не пиариться”. Политзаключённый о том, за что попадал в ШИЗО

Такім чынам, для ўладкавання на працу патрэбныя пашпарт, дакумент з установы адукацыі, дакументы воінскага ўліку (для ваеннаабавязаных і тых, хто падлягае прызыву) і заключэнне папярэдняга медыцынскага агляду.

Для тых, каму не споўнілася 16 гадоў, патрэбны і дазвол ад бацькоў.

Колькі можна працаваць?

Няпоўнагадовыя не могуць працаваць поўны працоўны дзень, таму нормы залежаць ад узросту і пары года (лета альбо час навучання).

На працягу навучальнага года падлеткі ва ўзросце ад 14 да 16 гадоў маюць права працаваць не больш за 2 гадзіны 18 хвілін у дзень, а ва ўзросце ад 16 да 18 гадоў — не больш за 3,5 гадзіны ў дзень.

А летам дзеці 14-16 гадоў могуць працаваць не больш за 4 гадзіны 36 хвілін у дзень, 16-18-гадовыя — не больш за 7 гадзін у дзень.

А колькі можна зарабіць?

Падлеткі павінны атрымліваць такую ж аплату працы за адпрацаваныя гадзіны, як і дарослыя працаўнікі.  

Аплата прапарцыйная адпрацаванаму часу або залежыць ад выпрацоўкі.