Дзяўчаты ў форме сілавікоў / @hcmogilev
У сацсетках хакейнага клуба "Магілёў" з'явілася відэа з удзельніцамі групы падтрымкі IceCream, дзе дзяўчаты ў спартыўных трусах прымерылі кіцелі розных ведамстваў, такіх як МУС, МНС і ВС, звярнула ўвагу выданне Tribuna. Прэс-служба клуба падпісала пост так: "Атрымліваем асалоду ад класных вобразаў нашых Icecream".
Аднак у Беларусі за нашэнне формы сілавых структур без дазволу можна панесці пакаранне. Так, летась у Мінску затрымалі маладога чалавека за здымку ў міліцэйскай форме для TikTok, прад'явіўшы яму артыкул 24.28 КаАП — "незаконнае нашэнне форменнага адзення". Штраф за такое парушэнне можа дасягаць 30 базавых велічынь.
Ці будзе гэтая сітуацыя мець наступствы для чырлідарак — пакуль невядома.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут