Чацвёртую лінію мінскага метро пачнуць будаваць да 2030 года. Яна стане першай кальцавой лініяй. Пра гэта ў пятніцу паведаміў старшыня камітэта архітэктуры і горадабудаўніцтва Мінгарвыканкама, галоўны архітэктар Мінска Павел Лучыновіч. Ён нагадаў, што зараз будуецца трэцяя лінія метро, якая звяжа паўднёвую частку горада і "Зялёны Луг", інфармуе БЕЛТА.
Варта адзначыць, што працягласць 1-й лініі мінскага метро складзе 20,9 км, 2-й — 25,1 км, 3-й — 16 км, чацвёртай — 25,4 кіламетра.