Беларускі пашпарт / Белсат
Беларусы, якія атрымалі ў Польшчы гуманітарныя часовыя віды на жыхарства, могуць атрымаць польскі праязны дакумент для замежніка, піша Цэнтр беларускай салідарнасці.
Гэты праязны выдаецца тэрмінам на адзін год і замяняе сабой пашпарт пры паездках за мяжу. Гэта адбываецца ў выпадку, калі пашпарт згублены, пашкоджаны або непрыдатны для выкарыстання, а атрымаць новы немагчыма. У першую чаргу гаворка ідзе, вядома ж, пра пагрозу рэпрэсій пры вяртанні на радзіму.
Беларусы могуць атрымліваць польскі праязны для замежнікаў ужо з 1 студзеня 2023 года. Для гэтага трэба ваяводзе па месцы жыхарства заяўніка падаць заяву на выдачу дакумента. Бланк заявы можна спампаваць па спасылцы.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут