Новыя аптэчкі / t.me/modmilby/
Беларускае войска атрымала новыя беларускія аптэчкі. Як паведамляе прэс-служба Мінабароны, у першай партыі 1000 камплектаў. Іх прадказальна перадалі вайскоўцам сіл спецыяльных аперацый.
Новыя беларускія аптэчкі паказалі восенню 2022-га. У пачатку студзеня 2023 года падчас паездкі на Абуз-Лясноўскі палігон Аляксандр Лукашэнка пахваліўся новымі вайсковымі аптэчкамі і сказаў, што яны "лепш за натаўскія". Партыю перадалі расійскім вайскоўцам, якія там праходзілі падрыхтоўку. Для беларускіх вайскоўцаў аптэчкі падрыхтавалі да канца лютага. Але нават для сіл спецаперацый іх замала.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут