Кантрабандысты везлі амаль 800 кг гашышу / t.me/customs_rf
У Расіі затрымалі кантрабандыстаў, у якіх канфіскавалі амаль 800 кілаграмаў гашышу, паведамляе прэс-служба Федэральнай мытнай службы РФ.
7600 плітак гашышу былі знойдзеныя ў тайніку грузавога аўтамабіля. Кошт гэтай партыі наркотыкаў на чорным рынку — каля 4,25 мільёнаў долараў.
Расійскія мытнікі заявілі, што разам з супрацоўнікамі ФСБ затрымалі трох удзельнікаў міжнароднай злачыннай групоўкі, якія арганізавалі пастаўкі. "Гэта двое грамадзян РФ, адзін з якіх мае від на жыхарства ў Еўрасаюзе, і грамадзянін Беларусі", — кажуць у расійскім ведамстве.
Цяпер высвятляюць іншых людзей, якія маюць дачыненне да кантрабанды наркотыкаў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут