Чарговыя матчы 6-га тура чэмпіянату Беларусі па футболе прайшлі ў суботу, 6 траўня. БАТЭ, які зноў вярнуўся на першы радок турнірнай табліцы, разграміў у гасцях “Славію”. Гульня скончылася з лікам 0:6, прычым адзін з забітых мячоў быў аўтаголам мазыран.
Мінскае “Дынама” мінімальна перамагло “Гомель” — 1:0, а “Слуцк” адолеў “Мінск” — 2:0.
Раней у рамках 6-га тура гулялі “Віцебск” і “Гарадзея”. Матч прайшоў 5 траўня і скончыўся сухой нічыёй — 0:0.
Сёння, 7 траўня, пройдуць апошнія матчы гэтага тура: “Крумкачы” згуляюць з “Шахцёрам”, “Нафтан” прыме “Тарпеда-БелАЗ”, а “Дняпро” сустрэнецца з “Нёманам”.