Рашэнне ЕС пра сектаральныя санкцыі супраць беларускага рэжыму мае шэраг важных дэталяў, пазначаных у дадатку.
Напрыклад, з фінансавымі інструментамі ЕС цяпер не змогуць працаваць толькі Беларусбанк, Белаграпрамбанк і Белінвестбанк.
Забароненыя калійныя ўгнаенні, што ўтрымліваюць менш за 40% калію або больш за 62%. Асноўная прадукцыя беларускіх заводаў змяшчае ад 40% да 60% калію — гэта значыць, што абмежаванні частковыя. Але ёсць у санкцыях і такі пункт — "усе іншыя" ўгнаенні з каліем. Што гэта значыць, не да канца зразумела.
З прадукцыі для вытворчасці тытуню ў Беларусь з ЕС нельга ўвозіць фільтры, паперу для тытуню, араматызатары і тэхніку для вырабу цыгарэт.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут