Кіраўніку беларускай каталіцкай царквы, арцыбіскупу Тадэвушу Кандрусевічу раніцай 13 сакавіка зрабілі аперацыю на пазваночніку. Яна прайшла без ускладненняў, Кандрусевіч вярнуўся да свядомасці пасля наркозу, але пакуль адчуваецца моцны боль, інфармуе ў Facebook партал catholic.by.
73-гадовы мітрапаліт Мінска-Магілёўскі знаходзіцца ў бальніцы з 10 сакавіка. Яго абавязкі часова выконвае генеральны вікарый — біскуп Юрый Касабуцкі.