Тадэвуш Кандрусевіч / catholic.by
Пасля працяглага перабывання ў шпіталі выпісалі арцыбіскупа эмэрыта Тадэвуша Кандрусевіча. Каталіцкага іерарха шпіталізавалі пасля пагаршэння самаадчування.
Як піша katolik.life, сітуацыя была сур'ёзнай. Аднак дактары своечасова выявілі сардэчную недастатковасць і прадухілілі новы інфаркт.
Калі стан 80-гадовага іерарха палепшаў, яму зрабілі чарговую аперацыю на сэрцы: усталявалі новыя стэнты і прачысцілі старыя. Гэтая працэдура на сасудах сэрца не складаная, але ва ўзросце Кандрусевіча яна магла несці пэўную небяспеку.
Цяпер арцыбіскуп эмэрыт знаходзіцца на рэабілітацыі. Акрамя праблем з сэрцам Кандрусевіч амаль паўтара года змагаецца з анкалагічнай хваробай.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут