Чытаць болей: Велосипедистов, задержанных на Минском триатлоне, не выпустили из РУВД
"BSSF неаднаразова папярэджваў беларускую і міжнародную спартовую грамадскасць пра небяспеку правядзення ў нашай краіне спартовых мерапрыемстваў. "Мінскі трыятлон 2021" стаў прыкладам гэтаму: падчас велазаезда былі затрыманыя трое ўдзельнікаў спаборніцтваў, сярод якіх таксама быў і прадстаўнік арганізатараў.
Гэта прамы доказ таго, што ў краіне, у якой "не да законаў", ніводнаму ўдзельніку, спартоўцу, дэлегату ці арганізатару спаборніцтваў не можа быць гарантаваная бяспека і недатыкальнасць. Бязмежжа сілавікоў не прызнае ніякіх аўтарытэтаў: зляцець з ровара ад удару дубінкай па галаве можа як шараговы кандыдат у майстры спорту, так і пераможца Алімпійскіх гульняў. Ну ці брат пераможцы Алімпійскіх гульняў.
Менавіта пра магчымасць такіх інцыдэнтаў мы перасцерагалі прадстаўнікоў міжнародных федэрацый і МАК падчас кампаніяў па пераносе чэмпіяната свету па хакеі і іншых турніраў. На жаль, цалкам мелі рацыю", — піша Герасіменя ў сябе ў Facebook.
Выказаўся пра затрыманні веласіпедыстаў і заснавальнік Sports.ru Дзмітрый Навоша: "З трыма арыштаванымі на дыстанцыі трыятланістамі запісалі відосы ў стылі Кадырава — і адвезлі на Акрэсціна проста ў "веласіпедках", нават вопратку забраць не далі. А потым здзіўляюцца і абураюцца, што ў краіны адабралі ўсе міжнародныя турніры".
Медыяменеджара абурае адсутнасць рэакцыі з боку іншых удзельнікаў спаборніцтваў — "тых, хто тыпа "пазапалітыкай", каго штодзённае бязмежжа быццам бы не датычыць. Едуць сабе далей па дыстанцыі на фоне затрыманняў проста па ходу гонкі".