У чацвер, 5 траўня, уначы месцамі, а днём у паўднёва-заходніх раёнах пройдуць кароткачасовыя дажджы, у некаторых раёнах чакаюцца навальніцы. Пра гэта інфармуе БЕЛТА са спасылкай на Рэспубліканскі цэнтр па гідраметэаралогіі, кантролі радыеактыўнага забруджвання і маніторынгу навакольнага асяроддзя Міністэрства прыродных рэсурсаў і аховы навакольнага асяроддзя.
Сіноптыкі прагназуюць пераменную воблачнасць. Уначы і зранку месцамі магчымы туман.
Вецер чакаецца паўночны 4-9 метраў за секунду, пры навальніцах яго парывы ўзмоцняцца да 14 метраў за секунду.
Тэмпература паветра ўначы складзе +4...+10, удзень прагназуецца 15-21 градус вышэй за нуль.