Вільня / pixabay.com
Тысячы беларусаў у Літве атрымалі дазвол на жыхарства. Адмову атрымаў толькі 331 чалавек. Пра гэта ў гутарцы з Радыё "Свабода" расказала дырэктарка Дэпартамента міграцыі пры МУС Літвы Эвеліна Гудзінскайце.
Па яе словах, такія адмовы звязаныя найчасцей з пытаннямі нацыянальнай бяспекі: "Гэта было праз пагрозы для краіны. У тым ліку праз адказы ў анкеце, якую трэба запаўняць пры падачы дакументаў. Некаторыя апраўдвалі дзеянні Расіі. Некаторыя складанай мовай спрабуюць нешта тлумачыць".
Заявы на атрыманне літоўскага грамадзянства з 2020 года падалі 155 грамадзян Беларусі. Летась яго атрымалі 32 беларусы.
Па словах Гудзінскайце, плынь эміграцыі з Беларусі ў Літву пастаянна павялічваецца. Гэтую з'яву чыноўніца звязвае не толькі з вайной ва Украіне, але і з ростам літоўскай эканомікі: працадаўцам у Літве патрабуецца працоўная сіла.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут