Крысціна Чаранкова і Наста Лойка / калаж "Вясны"
Праўладныя тэлеграм-каналы апублікавалі здымкі палітзняволеных Крысціны Чаранковай і Насты Лойка, паведамляюць праваабаронцы "Вясны".
Абедзве палітзняволеныя адбываюць прысуджаныя тэрміны ў гомельскай папраўчай калоніі №4. На фотаздымках у дзяўчат можна пабачыць жоўтыя біркі — як паведамлялася раней, звычайна так пазначаюць "экстрэмістаў".
Крысціна Чаранкова — вакалістка постпанк-гурта VIKT(A)R xOI. Яе асудзілі на 2,5 года за пасты ў Інстаграме, абвінаваціўшы ў распальванні сацыяльнай варожасці.
Наста Лойка — праваабаронца, унесеная ў "спіс тэрарыстаў". За праваабарончую дзейнасць яе асудзілі закрытым судом на 7 гадоў, абвінаваціўшы ў распальванні варожасці.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут