З'явілася відэа нападу на жанчыну ў берлінскім метро. Ён адбыўся яшчэ 27 кастрычніка, але паліцыя не змагла самастойна знайсці зламыснікаў. Таму было абнародавана відэа здарэння, піша Tagesspiegel.
Адзін з мужчын ударыў нагой у спіну 26-гадовую жанчыну, якая ішла ўніз па лесвіцы на платформу метро. Яна ўпала. Зламыснік спакойна за гэтым назіраў ды пайшоў разам з трыма спадарожнікамі далей. Нямецкае выданне адзначае, што жанчыне давялося звярнуцца да лекараў.