З’явілася фота бомбы, якая не ўзарвалася ў метро ў Санкт-Пецярбургу. Выбуховае прыстасаванне, замаскаванае пад вогнетушыцель, абясшкодзілі на станцыі “Плошча Паўстання”. Спачатку інфармацыя пра знойдзеную другую бомбу была супярэчлівая, аднак пазней яе пацвердзілі расійскія спецслужбы. Як інфармуе ria.ru, выбуховае прыстасаванне мела начыненне з паражаючых элементаў.
3 красавіка ў метро ў Санкт-Пецярбургу паміж станцыямі “Тэхналагічны інстытут” і “Сянная плошча” ў адным з вагонаў адбыўся выбух. Паводле апошніх дадзеных, загінулі 10 чалавек, параненыя каля 40. Крымінальную справу распачалі па артыкуле "тэракт".