Выданне "Новая газета. Европа" падрыхтавала даследаванне пра тое, колькі Расія патраціла на вайну ва Украіне. Кампенсацыі, якія налічылі сем'ям загінулых і параненых расійскіх вайскоўцаў, перавысілі 113 млрд расійскіх рублёў. "Гэта можа сведчыць пра тое, што Расія страціла як мінімум 10-11% асабістага складу ад пачатковай групоўкі войск", — пішуць журналісты. А гэта 15-17 тысяч чалавек. Аднак страты могуць быць большыя (да 37 тысяч), паколькі шмат адмоваў па выплатах за раненні, а яшчэ кампенсацыі выплачваюць з вялікай затрымкай. У гэтай статыстыцы не ўлічваюцца страты фармаванняў самаабвешчаных "Л/ДНР".
Агульныя выдаткі на армію, Расгвардыю і сакрэтныя артыкулы бюджэту за год могуць скласці не менш за 8,2 трлн расійскіх рублёў. А гэта кожны трэці рубель з федэральнага бюджэту Расіі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут