У Бабруйску па падазрэнні ў асабліва цяжкім злачынстве затрыманы 38-гадовы мясцовы жыхар. Яго падазраюць у забойстве 28-гадовай жанчыны і яе 7-гадовага сына. Крымінальную справу распачалі па артыкуле "забойства двух асобаў, у тым ліку заведама малалетняга".
Як паведамляе прэс-служба Следчага камітэта, смерць жанчыны і яе сына наступіла ад шматлікіх колата-рэзаных і агнястрэльных раненняў. Прызначаныя экспертызы. Следчыя дапытваюць сведкаў і сваякоў. Высвятляецца матыў здзяйснення забойства.
Здымак з архіву. Фота: ria.ru