Беларуская АЭС / Еўрарадыё
Запуск другога энергаблока БелАЭС можа адбыцца ў канцы лютага-пачатку сакавіка. Пра гэта заявіў генеральны дырэктар дзяржкарпарацыі "Расатам" Аляксей Ліхачоў.
"Цяпер калегі чакаюць дазвол на выхад на мінімальны кантраляваны ўзровень. Дзесьці ў канцы лютага-пачатку сакавіка будзе энэргапуск, выхад на 250-300 МВт і падключэнне да сеткі", — цытуе Ліхачова агенцтва ТАСС.
Нагадаем, энергетычны запуск першага блока БелАЭС з уключэннем у энергасістэму краіны адбыўся ў лістападзе 2020 года, а ўвод у прамысловую эксплуатацыю — у чэрвені 2021 года. На працягу ўсяго гэтага часу, і нават пасля ўводу ў эксплуатацыю энергаблок перыядычна адключалі і зноў уключалі ў сетку. Чыноўнікі ад энергетыкі казалі аб планавых работах, але вядома і аб паломках.
У канцы снежня мінулага года адбылася загрузка ядзернага паліва ў рэактар другога энергаблока.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут