Карыстальнік "Жывога журнала" з нікам zhenziyou апублікаваў сканы артыкулаў, прысвечаных беларусізацыі, з беларускіх газет 1920-х. Тады беларуская мова была ў прыярытэце ўладаў краіны. І "Звязда", якая праводзіла "лінію партыі", рэгулярна крытыкавала тых, хто не хоча размаўляць па-беларуску.
"Дрэнна і зусім не ведаюць мовы — 37,8 прац."
"Цікавасць да вывучэння беларускай мовы трэба замацаваць".
"Нельга не адзначыць як адну з перашкодаў, што засталіся, праўда, у вельмі нязначнай ступені, — недаацэнку некаторай часткай каманднага складу і чырвонаармейцаў значэння беларусізацыі і некаторай долі вялікарускага шавінізму".
"29 лютага гэтага года толькі выступленне аднаго студэнта было на беларускай мове".
"На заводзе "Камунар" працу па беларусізацыі загубілі".
"Гурткі для вывучэння англійскай мовы патрэбныя; але чаму побач з імі ў клубе саўгандальслужачых няма ніводнага беларускага гуртка?"
"Беларуская мова закінутая. Праца вядзецца на расійскай мове. Сорам, смілаўцы, а так шмат аб гэтым пісалася, а ўсё забываецца!"
"Далей ужо сапраўды ісці няма куды".