Ужо тры гады, як старшыня Цэнтрвыбаркама Лідзія Ярмошына дасягнула пенсійнага ўзросту. Раней выйсці на пенсію ёй, па словах самой Ярмошынай, не дазваляла падрыхтоўка да прэзідэнцкіх выбараў 2015 года і парламенцкіх 2016 года. Ці працягне яна працу пасля 11 верасня, старшыня ЦВК сказаць не можа.
Ярмошына: “Хто ў гэтым выпадку цікавіцца маімі жаданнямі? Радзіма кажа “Трэба!” і ідзеш. Я ж перадусім — чалавек дзяржаўнай сістэмы”.
Нагадаю, Лідзія Ярмошына нарадзілася 29 студзеня 1953 года. Сташынёй ЦВК яна была прызначаная 6 снежня 1996 года. Ніводныя выбары, праведзеныя пад старшынствам Ярмошынай, не былі прызнаныя міжнароднай супольнасцю як празрыстыя, сумленныя і дэмакратычныя.