Беларуска-украінская мяжа / ДПСУ
Украінскія памежнікі працягваюць узводзіць інжынерныя збудаванні на мяжы з Беларуссю.
"Умацаванне адбываецца ўвесь час. Нашы ваяры, інжынерныя групы памежнай службы ўладкоўваюць хованкі для асабовага склада і тэхнікі, збудаванні для назірання і вядзенні агню, загароды і супрацьтранспартныя перашкоды на ўсіх кірунках па ўсёй лініі мяжы з Беларуссю", — кажуць ва ўкраінскай памежслужбе.
Там таксама будуюць сістэму відэаназірання, каб кантраляваць сітуацыю ў прымежжа ў тым ліку з паветра.
Украінскія памежнікі паказалі, як цяпер выглядае мяжа з беларускім суседам.
Тым не менш, памежнікі адзначаюць, што бачаць розніцу ў паводзінах расіянаў на мяжы з Украінай і беларусаў. Так, на расійска-ўкраінскай мяжы рэгулярна фіксуюцца спробы пранікненняў дыверсійна-выведных груп. На беларуска-ўкраінскай мяжы такіх выпадкаў не фіксаваўся ўжо працяглы час.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут