Украінскія палонныя перасякаюць беларускую мяжу / Скрыншот
Вызваленых з беларускіх калоній украінцаў сустракалі на радзіме ў кіеўскім аэрапорце. Але з Беларусі іх перадалі праз сухапутную мяжу. І толькі потым даставілі верталётам у Кіеў — гэта стала ясна з відэа, апублікаванага Службай бяспекі Украіны.
Таксама на ім відаць, што некаторыя вызваленыя перамяшчаюцца на інвалідных вазках.
Напярэдадні Уладзімір Зяленскі паведаміў, што 29 чэрвеня былі вызваленыя 10 украінцаў, пяцёра з якіх утрымліваліся ў зняволенні ў Беларусі. Гэта Мікола Швец, якога прапаганда называла "Гаспарам" і абвінавачвала ў арганізацыі дыверсіі ў Мачулішчах, а таксама Павел Купрыенка, Наталля Захаранка, Людміла Ганчарэнка і Кацярына Бруханава.
Пазней стала вядома, што ўкраінcкія ўлады дамагліся вызвалення сваіх грамадзянаў па абмене, як палонных. Абмен адбыўся дзякуючы працы прадстаўнікоў Ватыкана.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут