Украіна атакавала дата-цэнтр "Яндэкса" / фота з сацсетак
Яшчэ адзін дата-цэнтр "Яндэкса" трапіў пад атаку ўкраінскіх дронаў. Цяпер — у Калузе.
У выніку ўдараў УСУ некалькі модуляў гэтага дата-цэнтра былі цалкам выведзеныя з ладу. "Яндэкс" папярэдзіў, што частка сэрвісаў можа працаваць з перабоямі.
Напярэдадні ўкраінскія войскі атакавалі дата-цэнтр "Яндэкса" ў Разанскай вобласці, пасля чаго ён цалкам прыпыніў працу. У карыстальнікаў пачаліся перабоі ў працы "Яндэкс.дыска", "Яндэкс.Дакументаў", "Яндэкс.Пошты", а таксама шэрагу іншых сэрвісаў і СМІ.
У каментары DW украінскі эксперт па пытаннях тэлекамунікацый Аляксандр Глушчанка адзначае, што расіянам будзе не вельмі лёгка замяніць знішчанае абсталяванне, бо гэтаму перашкаджаюць санкцыі. І Кітай тут не дапаможа: якаснае абсталяванне і софт вырабляюцца не там, а пераход на кітайскія аналагі патрабуе шмат часу, грошай і зніжае якасць.
Паводле расійскіх СМІ, урад РФ разглядае магчымасць стварэння дата-цэнтраў у Беларусі і Казахстане, перш за ўсё для развіцця Штучнага Інтэлекту. Аднак эксперты звяртаюць увагу, што такі праект зойме мінімум год. Да таго ж, цяперашнія расійскія законы гэта забараняюць.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут