Суд Заводскага раёна Мінска вынес прысуд за прабег Дзядоў Марозаў, які адбыўся 26 снежня.
Удзельніцу прабегу Загурскую асудзілі на 20 сутак арышту, піша ТГ-канал "Спісы Акрэсціна". Яе судзілі за парушэнне парадку правядзення масавых мерапрыемстваў (ч. 1 арт. 23.34 КаАП) і непадпарадкаванне законным патрабаванням міліцыі (арт. 23.4).
Як распавядала Еўрарадыё, зранку ў суботу, 26 снежня, у мінскай Серабранцы адбыўся забег Дзядоў Марозаў — без палітычных лозунгаў і сцягоў. Па дарозе Дзяды Марозы раздавалі дзецям цукеркі. Сілавікі прыехалі на чатырох мікрааўтобусах і зладзілі "хапун". Паведамлялася як мінімум пра дзвюх затрыманых удзельніц прабежкі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.