Ірландскі гурт U2 сабраў берлінцаў на бясплатны канцэрт на станцыі метро. Акцыя была прымеркаваная да выхаду новага альбома музыкаў, які атрымаў назву “Songs Of Experience”. Спачатку Бона і Эдж прайшліся па вагонах і павіталі пасажыраў, пасля чаго выйшлі на платформу станцыі "Нямецкая опера" і выканалі некалькі кампазіцый пад гітару.
Рух метро пры гэтым не спыняўся, таму Бона сустракаў новыя цягнікі спевамі ў адкрытыя дзверы. Гэта выклікала неверагоднае захапленне ў пасажыраў. Нягледзячы на тое, што імправізаваны канцэрт быў бясплатны, музыкі паклалі гітарны футляр з надпісам "Калі ласка, дапамажыце чаявымі! Дзякуй!". Пасля міні-канцэрта музыкі сфатаграфаваліся з публікай і пагутарылі са сваімі прыхільнікамі.